ಮನೋಸ್ಪಂದನ

ನಿಮ್ಮ ಮಾನಸಿಕ ಆರೋಗ್ಯ ಮತ್ತು ಸ್ವಾಸ್ಥ್ಯದ ಸಂಗಾತಿ

ಆಯ್ಕೆಮಾಡಿಕೊಳ್ಳುವ ಮುನ್ನ ನಿಮ್ಮ ಮಾನಸಿಕ ಆರೋಗ್ಯದ ಸಂಗಾತಿಯ ಕುರಿತು ತಿಳಿಯಿರಿ.

ಪ್ರತಿಯೊಬ್ಬರೂ ಅವರದೇ ಆದ ಜೀವನದ ಪಯಣದಲ್ಲಿ ಸಾಗುತ್ತಾರೆ. ಜೀವನಕ್ಕೆ ಅದರದೇ ಆದ ವೇಗ, ಅವಕಾಶ, ಮಜಲು ಮತ್ತು ಮುಖಗಳಿವೆ. ಮಾನಸಿಕವಾಗಿ ಕುಸಿದು ಮನೋರೋಗಿಯಾದ ಹಂತದಿಂದ, ಚೇತರಿಕೆಯ ಹಂತದಲ್ಲಿ ಕುಟುಂಬವನ್ನು ಒಂದು ಪೋಷಕ ಶಕ್ತಿಯಾಗಿ ಅನುಭವಿಸಿ, ಮನೋಚಿಕಿತ್ಸಕನಾಗಿ ಇತರರಿಗೆ ಸಹಾಯಹಸ್ತವನ್ನು ಚಾಚುವವರೆಗೆ ಜೀವನದ ವಿವಿದ ಮಜಲುಗಳು ಮತ್ತು ಮುಖಗಳಿಗೆ ತೆರೆದುಕೊಂಡಿದ್ದೇನೆ. ನಾನು ನನ್ನನ್ನು, ವ್ಯಕ್ತಿಗಳನ್ನು ಹಾಗೂ ಸಂದರ್ಭಗಳನ್ನು ಇರುವ ಹಾಗೆ ಒಪ್ಪಿಕೊಳ್ಳಲು ಮತ್ತು ಸ್ವೀಕರಿಸಲು ಕಲಿತಿದ್ದೇನೆ. ನಿಮ್ಮ ಜೀವನ ಪಯಣವನ್ನು ಸುಗಮವಾಗಿಸಲು ನನ್ನ ವೃತ್ತಿಪರ ಸಹಾಯಹಸ್ತವನ್ನು ನೀಡಬಲ್ಲ ಭರವಸೆ ಹೊಂದಿದ್ದೇನೆ. ಆಪ್ತಸಮಾಲೋಚಕನಾಗಿ, ಮನೋಚಿಕಿತ್ಸಕನಾಗಿ, ಸಂಶೋಧಕನಾಗಿ, ಆಪ್ತಸಮಾಲೋಚಕರ ಮೇಲ್ವಿಚಾರಕನಾಗಿ ಹೇಗೆ ಮಾನಸಿಕ ಆರೋಗ್ಯ ಸೇವೆಗಳಲ್ಲಿ 9 ವರ್ಷಕ್ಕಿಂತಲೂ ಹೆಚ್ಚಿನ ಅನುಭವವಿದೆ. ಈ ಜವಾಬ್ದಾರಿಗಳು ಸೇಂಟ್ ಜಾನ್ ಸಂಶೋಧನಾ ಸಂಸ್ಥೆ, ರಾಷ್ಟ್ರೀಯ ಮಾನಸಿಕ ಆರೋಗ್ಯ ಮತ್ತು ನರ ವಿಜ್ಞಾನ ಸಂಸ್ಥೆ (ನಿಮ್ಹಾನ್ಸ್ ), ಯೋಗಾನಂದ ಸಮೂಹ ಆಸ್ಪತ್ರೆಗಳಂತಹ ಮುಂಚೂಣಿ ಆರೋಗ್ಯ ಸಂಸ್ಥೆಗಳಿಂದ ಹಾಗೂ ನಮ್ಮದೇ ಮನೋಸ್ಪಂದನ ಫೌಂಡೇಷನ್ ನಿಂದ ಬಂದವು. ಇವೆಲ್ಲವೂ ಅನುಭವದ ಜೊತೆ ಜೊತೆಗೆ ಮೌಲ್ಯಗಳನ್ನು ತುಂಬಿದವು. ನಾನು ಪ್ರತಿ ದಿವಸವನ್ನು ಹೊಸ ದಿವಸವನ್ನಾಗಿಯೂ, ಪ್ರತಿ ಸಲಹಾ ಅಪೇಕ್ಷಿಯನ್ನು ನನ್ನ ಕಲಿಕೆಗೆ ಹೊಸ ಹೊಳಪನ್ನು ನೀಡುವ ಹೊಸ ವ್ಯಕ್ತಿಯನ್ನಾಗಿಯೂ ಸ್ವೀಕರಿಸುತ್ತೇನೆ. ನಿಮ್ಮ ಜೀವನದಲ್ಲಿನ ಹೊಸ ಬೆಳಕಿನ ಹೊಳಪು ನಮ್ಮ ವೃತ್ತಿಯಲ್ಲಿ ಸಿಗುವ ನಿಜವಾದ ಸಂತಸ. ಮನೋಸ್ಪಂದನ ಹಾಗೂ ನನ್ನನ್ನು ನಿಮ್ಮ ಮಾನಸಿಕ ಆರೋಗ್ಯ ಮತ್ತು ಸ್ವಾಸ್ಥ್ಯದ ಸಂಗಾತಿಯಾಗಿ ಆಯ್ಕೆ ಮಾಡಿಕೊಳ್ಳುತ್ತಿರುವುದಕ್ಕೆ ಧನ್ಯವಾದಗಳು. ಜೀವನದ ಹೊಸ ಪಯಣಕ್ಕೆ ಆತ್ಮೀಯ ಸ್ವಾಗತ.

video button

ಮುಖ್ಯ ಆಪ್ತ ಸಮಾಲೋಚಕರು, M. Sc. Psy, M.D.M

ಶ್ರೀ ಸುದರ್ಶನ ಹೆಗಡೆ