ನಿಮ್ಮ ಮಾನಸಿಕ ಆರೋಗ್ಯ ಮತ್ತು ಸ್ವಾಸ್ಥ್ಯದ ಸಂಗಾತಿ

ನಿಮ್ಮ ನಾಳಿನ ಒಳಿತಿಗಾಗಿ ನಾವು ಒಟ್ಟಾಗಿ ಕೆಲಸಮಾಡೋಣ

ಸಹಾಯವನ್ನು ಅರಸುವುದು ಮತ್ತು ಕೇಳುವುದರಲ್ಲಿ ತಪ್ಪಿಲ್ಲ.

ಪ್ರತಿವ್ಯಕ್ತೀಯೂ ಜೀವನದ ಒಂದಿಲ್ಲೊಂದು ಘಟ್ಟದಲ್ಲಿ ಕಷ್ಟದ ಸಂದರ್ಭಗಳನ್ನು ಎದುರಿಸುತ್ತಾರೆ. ಅಂತಹ ಸಂದರ್ಭಗಳಲ್ಲಿ ಮಾನಸಿಕ ಸಮತೋಲನ ಕಾಯ್ದುಕೊಳ್ಳುವುದು ನಿಜಕ್ಕೂ ಸವಾಲಿನ ಕೆಲಸ. ನಿಮ್ಮ ಜೀವನದ ಇಂತಹ ಸವಾಲಿನ ಸಂದರ್ಭಗಳಲ್ಲಿ ಆರೋಗ್ಯಕರ ಮನಸ್ಥಿತಿಯನ್ನು ಕಾಯ್ದುಕೊಳ್ಳಲು ಮನೋಸ್ಪಂದನ ನಿಮ್ಮ ಸಹಾಯಕ್ಕೆ ನಿಲ್ಲುತ್ತದೆ.

ನಾವು ಎಲ್ಲ ವಯೋಮಾನದವರಿಗೆ ವಯುಕ್ತಿಕ, ದಾಂಪತ್ಯಕ್ಕೆ ಸಂಬಂಧಿಸಿದ, ಪೋಷಕ ಮತ್ತು ಮಕ್ಕಳ ಹಾಗೂ ಕುಟುಂಬ ಸಂಬಂಧಿತ ಮನೋವೈಜ್ಞಾನಿಕ ಆಪ್ತಸಲಹೆಯನ್ನು ನೀಡುತ್ತೇವೆ. ಯಾವಾಗ ನಿಮ್ಮ ಯೋಚನೆಗಳು ಮತ್ತು ಭಾವನೆಗಳು ನಿಮ್ಮ ಹಿಡಿತ ಮೀರಿ ಹೋಗುತ್ತಿವೆ ಅನಿಸಿದಾಗ ಸಹಾಯವನ್ನು ಕೇಳುವುದು ಖಂಡಿತ ಸರಿಯಾದ ನಿರ್ಧಾರ.

ನಮ್ಮನ್ನು ಸಂಪರ್ಕಿಸಿ: ಆರೋಗ್ಯಕರ ಅಭ್ಯಾಸಗಳನ್ನು ಮತ್ತು ನಿಭಾಯಿಸುವ ಕೌಶಲ್ಯಗಳನ್ನು ಬೆಳೆಸಿಕೊಳ್ಳಲು, ಜೀವನದ ಮುಖ್ಯ ಘಟ್ಟಗಳಾದ ಮದುವೆ, ಮಗುವಿನ ಜನನ, ಕೆಲಸದ ಬದಲಾವಣೆ ಇವುಗಳ ನಿರ್ವಹಣೆಯ ಹಂತದಲ್ಲಿ ಆಗಬಹುದಾದ ಭಾವನೆಗಳ ಏರಿಳಿತಗಳನ್ನು ಸಮರ್ಥವಾಗಿ ನಿಭಾಯಿಸಲು

ನಿಮ್ಮ ಮಾನಸಿಕ ಆರೋಗ್ಯ ಮತ್ತು ಸ್ವಾಸ್ಥ್ಯದ ಸಂಗಾತಿ

ಆಯ್ಕೆಮಾಡಿಕೊಳ್ಳುವ ಮುನ್ನ ನಿಮ್ಮ ಮಾನಸಿಕ ಆರೋಗ್ಯದ ಸಂಗಾತಿಯ ಕುರಿತು ತಿಳಿಯಿರಿ.

ಪ್ರತಿಯೊಬ್ಬರೂ ಅವರದೇ ಆದ ಜೀವನದ ಪಯಣದಲ್ಲಿ ಸಾಗುತ್ತಾರೆ. ಜೀವನಕ್ಕೆ ಅದರದೇ ಆದ ವೇಗ, ಅವಕಾಶ, ಮಜಲು ಮತ್ತು ಮುಖಗಳಿವೆ. ಮಾನಸಿಕವಾಗಿ ಕುಸಿದು ಮನೋರೋಗಿಯಾದ ಹಂತದಿಂದ, ಚೇತರಿಕೆಯ ಹಂತದಲ್ಲಿ ಕುಟುಂಬವನ್ನು ಒಂದು ಪೋಷಕ ಶಕ್ತಿಯಾಗಿ ಅನುಭವಿಸಿ, ಮನೋಚಿಕಿತ್ಸಕನಾಗಿ ಇತರರಿಗೆ ಸಹಾಯಹಸ್ತವನ್ನು ಚಾಚುವವರೆಗೆ ಜೀವನದ ವಿವಿದ ಮಜಲುಗಳು ಮತ್ತು ಮುಖಗಳಿಗೆ ತೆರೆದುಕೊಂಡಿದ್ದೇನೆ. ನಾನು ನನ್ನನ್ನು, ವ್ಯಕ್ತಿಗಳನ್ನು ಹಾಗೂ ಸಂದರ್ಭಗಳನ್ನು ಇರುವ ಹಾಗೆ ಒಪ್ಪಿಕೊಳ್ಳಲು ಮತ್ತು ಸ್ವೀಕರಿಸಲು ಕಲಿತಿದ್ದೇನೆ. ನಿಮ್ಮ ಜೀವನ ಪಯಣವನ್ನು ಸುಗಮವಾಗಿಸಲು ನನ್ನ ವೃತ್ತಿಪರ ಸಹಾಯಹಸ್ತವನ್ನು ನೀಡಬಲ್ಲ ಭರವಸೆ ಹೊಂದಿದ್ದೇನೆ. ಆಪ್ತಸಮಾಲೋಚಕನಾಗಿ, ಮನೋಚಿಕಿತ್ಸಕನಾಗಿ, ಸಂಶೋಧಕನಾಗಿ, ಆಪ್ತಸಮಾಲೋಚಕರ ಮೇಲ್ವಿಚಾರಕನಾಗಿ ಹೇಗೆ ಮಾನಸಿಕ ಆರೋಗ್ಯ ಸೇವೆಗಳಲ್ಲಿ 9 ವರ್ಷಕ್ಕಿಂತಲೂ ಹೆಚ್ಚಿನ ಅನುಭವವಿದೆ. ಈ ಜವಾಬ್ದಾರಿಗಳು ಸೇಂಟ್ ಜಾನ್ ಸಂಶೋಧನಾ ಸಂಸ್ಥೆ, ರಾಷ್ಟ್ರೀಯ ಮಾನಸಿಕ ಆರೋಗ್ಯ ಮತ್ತು ನರ ವಿಜ್ಞಾನ ಸಂಸ್ಥೆ (ನಿಮ್ಹಾನ್ಸ್ ), ಯೋಗಾನಂದ ಸಮೂಹ ಆಸ್ಪತ್ರೆಗಳಂತಹ ಮುಂಚೂಣಿ ಆರೋಗ್ಯ ಸಂಸ್ಥೆಗಳಿಂದ ಹಾಗೂ ನಮ್ಮದೇ ಮನೋಸ್ಪಂದನ ಫೌಂಡೇಷನ್ ನಿಂದ ಬಂದವು. ಇವೆಲ್ಲವೂ ಅನುಭವದ ಜೊತೆ ಜೊತೆಗೆ ಮೌಲ್ಯಗಳನ್ನು ತುಂಬಿದವು. ನಾನು ಪ್ರತಿ ದಿವಸವನ್ನು ಹೊಸ ದಿವಸವನ್ನಾಗಿಯೂ, ಪ್ರತಿ ಸಲಹಾ ಅಪೇಕ್ಷಿಯನ್ನು ನನ್ನ ಕಲಿಕೆಗೆ ಹೊಸ ಹೊಳಪನ್ನು ನೀಡುವ ಹೊಸ ವ್ಯಕ್ತಿಯನ್ನಾಗಿಯೂ ಸ್ವೀಕರಿಸುತ್ತೇನೆ. ನಿಮ್ಮ ಜೀವನದಲ್ಲಿನ ಹೊಸ ಬೆಳಕಿನ ಹೊಳಪು ನಮ್ಮ ವೃತ್ತಿಯಲ್ಲಿ ಸಿಗುವ ನಿಜವಾದ ಸಂತಸ. ಮನೋಸ್ಪಂದನ ಹಾಗೂ ನನ್ನನ್ನು ನಿಮ್ಮ ಮಾನಸಿಕ ಆರೋಗ್ಯ ಮತ್ತು ಸ್ವಾಸ್ಥ್ಯದ ಸಂಗಾತಿಯಾಗಿ ಆಯ್ಕೆ ಮಾಡಿಕೊಳ್ಳುತ್ತಿರುವುದಕ್ಕೆ ಧನ್ಯವಾದಗಳು. ಜೀವನದ ಹೊಸ ಪಯಣಕ್ಕೆ ಆತ್ಮೀಯ ಸ್ವಾಗತ.

ಮುಖ್ಯ ಆಪ್ತ ಸಮಾಲೋಚಕರು, M. Sc. Psy, M.D.M

ಶ್ರೀ ಸುದರ್ಶನ ಹೆಗಡೆ

<p><img class="alignnone size-full wp-image-256" src="http://draftofcraft.manospandana.in/wp-content/uploads/2020/11/Sign_Sudarshan_200_113_green.png" alt="Sign_Sudarshan_Green" width="200" height="113" /></p>

ಉತ್ತಮ ಸ್ವಾಸ್ಥ್ಯ ಮತ್ತು ಭರವಸೆಗಾಗಿ

ನಮ್ಮ ಆಪ್ತ ಸಲಹಾರ್ತಿಗಳು ಏನು ಹೇಳುತ್ತಾರೆ

ನಾವು ನಮ್ಮ ಆಪ್ತ ಸಲಾಹರ್ತಿಗಳಿಗೆ, ಅವರ ಮಾನಸಿಕ ಆರೋಗ್ಯ ಮತ್ತು ಸ್ವಾಸ್ಥ್ಯದ ಸಂಗಾತಿಯಾಗಲು ಮತ್ತು ನಮ್ಮ ಸಾಮರ್ಥ್ಯಕ್ಕೆ ಅನುಗುಣವಾಗಿ ಸೇವೆ ನೀಡಲು ಅವಕಾಶ ನೀಡಿದ್ದಕ್ಕೆ ಆಭಾರಿಯಾಗಿದ್ದೇವೆ. ಅವರ ಪ್ರತಿಕ್ರಿಯೆ, ವಿಮರ್ಶೆ ಹಾಗೂ ಸಲಹೆಗಳು ಇನ್ನೂ ಹೆಚ್ಚಿನ ಸೇವೆ ಸಲ್ಲಿಸಲು ಸ್ಪೂರ್ತಿಯಾಗುತ್ತದೆ. ಅವರುಗಳ ಧನಾತ್ಮಕ ಪ್ರತಿಕ್ರಿಯೆ ಪಡೆಯಲು ಸಂತಸವಾಗುತ್ತದೆ. ನಿಮ್ಮ ಮನೋಸ್ಪಂದನದ ಜೊತೆಗಿನ ಪಯಣವನ್ನು ಹಂಚಿಕೊಂಡಿದ್ದಕ್ಕೆ ಧನ್ಯವಾದಗಳು.
true
knಕನ್ನಡ